政府山的鬧劇　陳智思的哀號

2012年11月6日下午2:10公開累積瀏覽 563

(大家見到上面個Facebook 的Like，請幫忙按一下，呢個動作對我地的成長非常重要，多謝）

政府總部西座最終歷史建築評級何去何從，今日又成為各報章的焦點之一。古諮會主席陳智思之前因呢件事而黯然辭職，係環保霸權的勝利，香港人的損失。



其實，今日報章都係什麼「民意一面倒」，所以環保霸權又贏一仗，不過，好多報紙都無報道陳智思的其中一句：



「主席陳智思出席一個電台節目時表示，暫定為二級的西座，公眾諮詢期間，絕大部分傾向支持較高評級。不過，評級最終並非只看諮詢數據，而是參考實際歷史及社會價值及設計等資料。」（香港電台）


好一句「評級最終並非只看諮詢數據，而是參考實際歷史及社會價值及設計等資料。」所謂的諮詢，沉默的大多數通常都會輸，發聲的「二打六」，唔識保育，唔識考古，一味靠估，騎劫民意，但係因為動員力強，所以會成為「主流」聲音。結果呢，所有發展都寸步難行，政府計劃如是，私人發展如是。



另外一句無人報：「他認為，二級是一個適當方案，可以保育及發展共融，並非只有清拆抑或保留的兩極方法。」（香港電台）


今時今日，環保霸權根本就唔會接受中庸之道，佢地唔係要「保育及發展共融」，佢地根本一句到尾就係「唔俾」！唔俾因為我唔中意！政府唔屈服？我上街，圍你政府總部，然後將成件事同地產霸權掛勾，你唔聽環保霸權意見，就一定係同地產商有陰謀。真正專家意見？哈，留番拜山先講啦，因為專業意見同事實真相係無市場架。




(請大家Forward俾你的同事朋友親人，在Facebook Share出去，多謝。）

關注環保霸權大聯盟簡介

關注環保霸權大聯盟自二零一一年由網民自發成立，是一個非政黨， 非宗教組織。成立目的是要社會正視一些環保團體日漸成為霸權， 處理發展議題時以偏概全，濫用民意，誤導公眾，拖慢香港的發展， 長遠打擊香港的競爭力。 跟進的個案包括豐樂圍計劃、 機場擴建、南丫島發展計劃、政府山重建計劃等。

Karen Chan (化名)
關注環保霸權大聯盟發起人
Facebook Group: www.facebook.com/groups/dislikegreen/

Facebook Page: www.facebook.com/nogreenhegemony

Blog: blog.yahoo.com/nogreenhegemony/
Email: shootinghkstar@yahoo.com.hk