Post by Karen Chan on Oct 2, 2013 23:17:12 GMT -8
智者樂水，仁者樂山。可惜，不智不仁者，現屆政府大有人在。發展局「Blogger」陳茂波上月初撰文，試探郊野公園「是否完全不可碰」，為地產商搭橋鋪路發展豪宅，觸發逾千名市民響應民間保郊野公園行動，誓要重奪港人共有的天然資源。曾為梁振英撰寫環保政綱的天文台前台長林超英，率先開腔炮轟開發郊野公園是「思想癌細胞」，更設立facebook專頁宣傳保育香港清靜地。他接受本刊專訪，諷刺發展商「窮得只有錢」，忘了大自然是人類的根，提到擁有丁權的原居民建屋掠地，他更直言「愈諗愈谷氣」。
行山友說︰「早晨呀台長。」林超英答︰「我下台喇！」六十四歲的林超英○九年退休，但心繫時事，不時在網誌「草雲居」談論環保政策。本週日他現身大潭郊野公園，並接受本刊專訪，突然他叫停記者說︰「（環境局局長）黃錦星都係行山人，你山上偶然會撞到佢。你睇唔睇到呀？呢度山係一層一層o架！呢景你以為外國先有、要使幾萬蚊先會睇到，原來香港舉目皆是，政府冇理由搞死佢o架嘛！抖啖氣都唔俾？」上月八日，陳茂波撰寫網誌暗示欲開發郊野公園後，林超英立即反擊，在facebook開設「香港郊野公園是我的呼吸空間」專頁，更發布一張以石屎覆蓋得密不透風的墨西哥城圖片，提醒當局建樓若超過承載上限，香港人「恐怕活得像老鼠而不像人」。不過，地產建設商會副會長、合和實業主席胡應湘上週六出席電台節目，批評保留佔全港面積四成的郊野公園土地不切實際及愚蠢。林超英聽後，登時目瞪口呆，「你叫佢（胡應湘）睇今日有幾多人行山囉。郊野公園受法律保護，係唔可以起樓。依家香港好有勢力唔係政府，而係第二人，係咩人，係人都知啦！「胡應湘咁多年講都係比較突出。呢度起公屋，班友點返工呀？呢度起樓，全部都會係低密度，用低密度解決我房問題？好似超過我智慧喎！城市搵屋住咁辛苦，但點解香港有人，十八歲企起身，就可以笪地起丁屋，起三層？城市入面青年人就冇樓住，真係愈諗愈谷氣，呢處理好佢先啦！」林超英相當氣憤。究竟香港是否缺乏建屋土地？民間智庫的研究顯示，現時本港有一千二百公頃丁屋土地、逾一千六百公頃屬於四大發展商的農地、二千公頃河套新增用地，軍事用地亦有二千七百公頃。是政府無能？還是與發展商蛇鼠一窩，打郊野公園主意？
發展商陰謀
「咁我又睇唔到呢樣，不過（陳茂波）個blog出之後，突然間有好多人跳出，直情講明郊野公園邊度起屋，跟住冇幾耐就『有人』話大嶼山南部風景好好，好具體咁講到郊野公園條界退後三十米就可以起好多屋、起二十層，發展項目名都有埋，叫Parkland City，我覺得加埋一堆好奇怪囉……原來郊野公園起樓呢樣，佢心目中從來都諗緊。」林超英口中的「有人」，就是前布政司兼忠實梁粉、與林同為梁振英牽頭成立的香港鄉郊基金成員鍾逸傑。林超英曾為梁撰寫環保政綱及站台，當初政綱列明「有效保護郊野公園及具生態及其他價值的土地和水體」、「以維護『突出自然美景』為自然保育目標之一」。政府無意履行競選承諾，林今次為捍郊野公園，已豁出去反對「盲搶地」，「發展郊野公園絕對短視，起樓根本唔可以諗！我俾一寸，佢就會要一尺；退到一尺時，佢會要一丈，呢個時候，一寸都不能讓！」
移山不成轉攻填海
政府盲搶地「魔爪」伸向郊野公園，但梁振英的競選政綱及首份施政報告，都未曾提及郊野公園是長遠土地供應的重要來源；發展局局長陳茂波今年三月更在電台公開表示，政府不會考慮改劃郊野公園土地作住宅用途，緣何梁班子近月變招出擊？政府消息人士透露，當局的如意算盤，是放棄爭議性較大的郊野公園，換取填海更易「上馬」，「政府明知香港人好重視『後花園』，點會無諗過後果？填海引起爭議，肯定比郊野公園少。」消息人士更指，維港以外填海第二階段諮詢預料十一月發表報告，對五個擬議填海選址進行更詳細研究，相信近月的爭議，可為填海減壓。梁振英的房策智囊、長遠房屋策略督導委員會委員鄔滿海認為，爭取市民支持填海較發展郊野公園容易：「沙田、屯門同大埔都係靠填海土地發展，就算維港範圍灣仔同紅磡都有，唔係新。不過，政府長遠需要係更多考慮，填海、做新發展區，係咪可以再探討郊野公園發展，講都唔得？」
行山友說︰「早晨呀台長。」林超英答︰「我下台喇！」六十四歲的林超英○九年退休，但心繫時事，不時在網誌「草雲居」談論環保政策。本週日他現身大潭郊野公園，並接受本刊專訪，突然他叫停記者說︰「（環境局局長）黃錦星都係行山人，你山上偶然會撞到佢。你睇唔睇到呀？呢度山係一層一層o架！呢景你以為外國先有、要使幾萬蚊先會睇到，原來香港舉目皆是，政府冇理由搞死佢o架嘛！抖啖氣都唔俾？」上月八日，陳茂波撰寫網誌暗示欲開發郊野公園後，林超英立即反擊，在facebook開設「香港郊野公園是我的呼吸空間」專頁，更發布一張以石屎覆蓋得密不透風的墨西哥城圖片，提醒當局建樓若超過承載上限，香港人「恐怕活得像老鼠而不像人」。不過，地產建設商會副會長、合和實業主席胡應湘上週六出席電台節目，批評保留佔全港面積四成的郊野公園土地不切實際及愚蠢。林超英聽後，登時目瞪口呆，「你叫佢（胡應湘）睇今日有幾多人行山囉。郊野公園受法律保護，係唔可以起樓。依家香港好有勢力唔係政府，而係第二人，係咩人，係人都知啦！「胡應湘咁多年講都係比較突出。呢度起公屋，班友點返工呀？呢度起樓，全部都會係低密度，用低密度解決我房問題？好似超過我智慧喎！城市搵屋住咁辛苦，但點解香港有人，十八歲企起身，就可以笪地起丁屋，起三層？城市入面青年人就冇樓住，真係愈諗愈谷氣，呢處理好佢先啦！」林超英相當氣憤。究竟香港是否缺乏建屋土地？民間智庫的研究顯示，現時本港有一千二百公頃丁屋土地、逾一千六百公頃屬於四大發展商的農地、二千公頃河套新增用地，軍事用地亦有二千七百公頃。是政府無能？還是與發展商蛇鼠一窩，打郊野公園主意？
發展商陰謀
「咁我又睇唔到呢樣，不過（陳茂波）個blog出之後，突然間有好多人跳出，直情講明郊野公園邊度起屋，跟住冇幾耐就『有人』話大嶼山南部風景好好，好具體咁講到郊野公園條界退後三十米就可以起好多屋、起二十層，發展項目名都有埋，叫Parkland City，我覺得加埋一堆好奇怪囉……原來郊野公園起樓呢樣，佢心目中從來都諗緊。」林超英口中的「有人」，就是前布政司兼忠實梁粉、與林同為梁振英牽頭成立的香港鄉郊基金成員鍾逸傑。林超英曾為梁撰寫環保政綱及站台，當初政綱列明「有效保護郊野公園及具生態及其他價值的土地和水體」、「以維護『突出自然美景』為自然保育目標之一」。政府無意履行競選承諾，林今次為捍郊野公園，已豁出去反對「盲搶地」，「發展郊野公園絕對短視，起樓根本唔可以諗！我俾一寸，佢就會要一尺；退到一尺時，佢會要一丈，呢個時候，一寸都不能讓！」
移山不成轉攻填海
政府盲搶地「魔爪」伸向郊野公園，但梁振英的競選政綱及首份施政報告，都未曾提及郊野公園是長遠土地供應的重要來源；發展局局長陳茂波今年三月更在電台公開表示，政府不會考慮改劃郊野公園土地作住宅用途，緣何梁班子近月變招出擊？政府消息人士透露，當局的如意算盤，是放棄爭議性較大的郊野公園，換取填海更易「上馬」，「政府明知香港人好重視『後花園』，點會無諗過後果？填海引起爭議，肯定比郊野公園少。」消息人士更指，維港以外填海第二階段諮詢預料十一月發表報告，對五個擬議填海選址進行更詳細研究，相信近月的爭議，可為填海減壓。梁振英的房策智囊、長遠房屋策略督導委員會委員鄔滿海認為，爭取市民支持填海較發展郊野公園容易：「沙田、屯門同大埔都係靠填海土地發展，就算維港範圍灣仔同紅磡都有，唔係新。不過，政府長遠需要係更多考慮，填海、做新發展區，係咪可以再探討郊野公園發展，講都唔得？」
