對抗環保霸權一年回顧(下) Sept 15, 2013 22:18:41 GMT -8 Quote Select PostDeselect PostLink to PostMemberGive GiftBack to Top Post by Karen Chan on Sept 15, 2013 22:18:41 GMT -8 2012年5月15日下午4:06公開累積瀏覽 721 上篇"對抗環保霸權一年回顧(上)",大家都話唔夠喉,又話環保霸權點止咁少招數。多謝大家的提醒同提示,下面係環保霸權其他常用賤招。 強姦民意的手段「似乎」為民請命係環保霸權的一貫形象,不過認真研究一年,發覺呢招經常濫用,大家真係要明察抽毫。例如,環保霸權似乎代表漁民反對機場擴建,又話影響漁民生計,又乜又7(環保霸權騎劫漁民殺機場),但係,原來漁民係非常願意接受賠償架,亦無要環保霸權出頭,不過環保霸權衝出黎代出頭,成功強姦漁民民意。另外一個例子,南丫島發展計劃,環保霸權用盡方法造假,又集會,又夾埋D報紙,等人以為當地大部分居民反對,但其實當地居民舉腳贊成,更出現諮詢期內「支持多過反對」的局面。 當然,連車公都敢「強姦」,呢班人又有咩做唔出呢? 輸打贏要 擺明造假過去一年,我地見證左環保霸權叫人「一信多簽」的案例,例如南生圍事件(其實呢個好正常),同時,我地又見過因為唔夠民意支持,自己推翻呢個遊戲規則的情況,例如南丫島事件。更恐怖係,環保霸權會公然表明自己造假,一個人用幾個account俾意見,但之後又屈人造假,可能呢D就係小人之心度君子之福,輸打贏要,無品無性格無料到無恥! 雙重標準 有自己著數就突然有人性過去一年,精心研究環保霸權的行徑同思想,發現他們其實好雙重標準。明明平時好講所謂原則,為左所謂環保,話之你香港經濟玩完,失業上升,總之一律好有原則咁反對,連WWF支持都唔得。但係一對自己無著數,就突然好無原則,一句「內疚」就冷氣照開,面對唔開冷氣挑戰,無人敢接受。原來所謂原則只係對其他人,就算人地有道理,一樣唔接受,不過到自己有需要就...... 呢D咪環保L本色囉。 越寫越傷心,對住呢班顛佬,真係嘔血。不過,去年我地都叫做有D成績,豐樂圍,機場擴建同南丫島計畫上面,我地都有少少影響。希望大家同我繼續努力對抗,我需要大家幫助,介紹朋友加入Facebook群組,Share開去,今日我地以為環保霸權對我地無影響,但當我地覺得的時候,一切已經太遲。 大家繼續努力。(請大家Forward俾你的同事朋友親人,在Facebook Share出去,多謝。)關注環保霸權大聯盟簡介關注環保霸權大聯盟自二零一一年由網民自發成立,是一個非政黨, 非宗教組織。成立目的是要社會正視一些環保團體日漸成為霸權, 處理發展議題時以偏概全,濫用民意,誤導公眾,拖慢香港的發展, 長遠打擊香港的競爭力。 跟進的個案包括豐樂圍計劃、 機場擴建、南丫島發展計劃、政府山重建計劃等。Karen Chan (化名)關注環保霸權大聯盟發起人Facebook: www.facebook.com/groups/dislikegreen/Blog: blog.yahoo.com/nogreenhegemony/Email: shootinghkstar@yahoo.com.hk