環保霸權的on 9「萬人聯署」

2011年7月14日下午6:08公開累積瀏覽 369

最近南生圍成環保霸權圍毆焦點，本來有人反對一Ｄ都唔奇，因為始終係綠色地帶，多Ｄ關注無可厚非，不過環保霸權的圍毆方法就實在低劣，勝在夠膠！

「有元朗南生圍保育團體昨向環保署遞交請願信，要求延長南生圍發展諮詢期至少半年。團體代表指，期望在本月十八日諮詢限期完結前收集一萬封有市民署名的反對信件，藉此向當局表達訴求。南生圍項目發展商近日則開設網站，以收集社會大眾查詢及意見。」
大佬，「延長諮詢期至少半年」等你去收集反對意見？俾夠三年仲好添！諮詢期呢Ｄ野有規有據，明文規定，你地要表達反對意見，完全ok無問題，但是請尊重遊戲規則。

仲有，呢Ｄ所謂一萬封反對信件，根本就已經係低招，有一萬封又點？Ｄ人知道個計畫係乜咩？你地環保霸權會唔會逐個解釋呀？唔會呀！咁會唔會構成誤道呀？您叫人反對，不過無詳細解釋，求其問「保育南生圍好嗎」，大佬，緊係好啦！我下次你「唔開冷氣對地球好唔好呀」，如果Ｄ人答好，咁係咩代表應該禁止環保團體開冷氣呀？

環保霸權最鐘意強姦民意，製造反對聲音，其實就「造市」，製造假象。Ｄ人又求其簽名，反正無代價，結果傳媒又求其寫篇「萬人反對」，結果呢Ｄ「求其」就累人累街坊，拖累香港。

發展商網站www.namsangwai-lutchau.com，不如我地又玩膠，寫信大力支持！有無人想幫手寫？寫一封，簽一千封！你覺得cheap?我都覺！不過，為左香港，為左要社會發展，我地一於「千人支持南生圍發展，製造就業」。

同環保霸權講道理？屣氣！一於以膠環膠！



Facebook新設立的關注環保霸權大聯盟:

www.facebook.com/home.php#!/home.php?sk=group_226439834050839&ap=1



請大家加入!