那星期,我和譚凱邦站在同一陣線 Oct 22, 2013 18:54:28 GMT -8 Quote Select PostDeselect PostLink to PostMemberGive GiftBack to Top Post by Karen Chan on Oct 22, 2013 18:54:28 GMT -8 過去兩個星期,以追擊環保霸權為己任嘅我,竟然公然地與我嘅「頭號敵人」譚凱邦同一陣線,然後受到各類「左膠右膠前膠後膠」嘅攻擊同質疑。大家不用再質疑,我而家宣布,其實我係「硬膠」,即係堅毅不屈嘅膠,為香港嘅發展,決不退讓,一步都不讓。拿,話說回頭,最近有兩件事,我同香港大部分市民都非常火滾,不過,身邊有D網友,就竟然無動於衷,仲要繼續同政府護航,變成連傳統左派都未到咁Die Hard嘅程度,然後妖言惑眾,散播謠言。反而,我一向在環保議題上有很大分歧嘅譚凱邦嘅所作所為,就似番一個香港人,甚至可以話係香港人都應該支持。第一,在人口控制嘅問題上,我作為一個香港人,係完全認同譚凱邦嘅見解。應該話,呢個世界除左顛佬之外(同埋顛婆,費時話我歧視),有咩可能會有人認同讓內地無限量送人口黎香港,仲要係無專業同經濟貢獻,不過香港人就似乎愛理不理,甚至有D死硬護航派,仲要話政府做得好。呢D真係On 9無極限,我真係頂唔順。然後,范國威仲指出原來根本香港政府一向都誤導緊香港市民,因為根據基本法,中央係要徵求香港嘅意見,先決定輸港人口數目。頂!香港政府呢班咩官黎架?頂!竟然仲有人支持果下好笑。然後,上星期,在香港電視發牌嘅問題上,我和譚凱邦又同一陣線。今次電視發牌,我頂,大家見到D群情洶湧我唔再重覆,不過我感受到原來譚凱邦一直抗爭嘅方法,其實係逼不得已,因為香港政府真係太廢同太不思進取。香港需要新電視台,新嘅模式,新嘅發展,而唔係永遠都「雞汁」,「我做鬼都唔放過你」,同「而家無的士架,兜埋你啦」。我唔可以相信一個準備充足,有誠意,有人才,對社會有利無害嘅電視台,在民間近乎沒有反對聲音嘅情況下,竟然被一個沒有勇氣嘅政府,對香港未來沒有承擔嘅政府打瓜左,仲要死得不明不白,你叫香港人點敢相信香港夢,點相信香港係可以再進步呢?過去呢兩個星期,我流失左好多Facebook朋友,因為佢地一路以為我係同類。不過,同時我又得到一D新朋友(例如譚凱邦已經成為我Facebook的朋友)。更重要係,好多真正嘅朋友(網上嘅也好,生活上嘅也好)都好支持我今次嘅做法。有人話我「變節」。白痴!我同關注環保霸權大聯盟嘅出現,首先並非一定要支持政府,第二並非針對環保團體(真正嘅環保理念我地一樣支持),第三我地從來不是建制,亦唔係泛民。我地只係一班關心香港嘅前途同發展,厭倦環保霸權,同頂唔順政府嘅軟弱無能嘅小市民。愛香港,唔一定要愛香港政府。愛環保,唔一定要做環保霸權。關注環保霸權大聯盟簡介關注環保霸權大聯盟自二零一一年由網民自發成立,是一個非政黨, 非宗教組織。成立目的是要社會正視一些環保團體日漸成為霸權, 處理發展議題時以偏概全,濫用民意,誤導公眾,拖慢香港的發展, 長遠打擊香港的競爭力。 跟進的個案包括豐樂圍計劃、 機場擴建、南丫島發展計劃、政府山重建計劃等。關注環保霸權大聯盟Facebook Group: www.facebook.com/groups/dislikegreen/Facebook Page: www.facebook.com/nogreenhegemonyBlog: blog.yahoo.com/nogreenhegemony/Email: shootinghkstar@yahoo.com.hk
那星期,我和譚凱邦站在同一陣線 Oct 24, 2013 17:30:28 GMT -8 Quote Select PostDeselect PostLink to PostMemberGive GiftBack to Top Post by dinfung on Oct 24, 2013 17:30:28 GMT -8 愛香港,唔一定要愛香港政府。愛環保,唔一定要做環保霸權。